Football
യുവേഫ ചാമ്പ്യന്‍സ് ലീഗില്‍ പാരിസ് സെന്റ് ജര്‍മനെ തോല്‍പ്പിച്ച് ബയേണ്‍ മ്യൂണിക്ക്. എതിരില്ലാത്ത ഒരു ഗോളിനാണ് പിഎസ്ജി പരാജയം വഴങ്ങിയത്. ഡിഫന്‍ഡര്‍ കിം മിന്‍-ജെയാണ് ബയേണിന്റെ വിജയഗോള്‍ നേടിയത്.
🔔 𝐅𝐔𝐋𝐋 𝐓𝐈𝐌𝐄 - Victory at home! +3 in the #UCL👏❤️#FCBayern #MiaSanMia | #FCBPSG #UCL pic.twitter.com/BYE23dXXih
ബയേണിന്റെ തട്ടകമായ അലയന്‍സ് അരീനയില്‍ നടന്ന മത്സരത്തിന്റെ 38-ാം മിനിറ്റിലാണ് ഗോള്‍ പിറന്നത്. ബയേണിന് അനുകൂലമായി ലഭിച്ച കോര്‍ണറില്‍ നിന്ന് ഡിഫന്‍ഡര്‍ കിം മിന്‍ജെ പിഎസ്ജിയുടെ വല കുലുക്കുകയായിരുന്നു. സമനില കണ്ടെത്താന്‍ ഫ്രഞ്ച് വമ്പന്മാര്‍ പരിശ്രമിച്ചെങ്കിലും ഗോള്‍ വന്നില്ല.
ഇതിനിടെ 56-ാം മിനിറ്റില്‍ രണ്ടാം യെല്ലോ കാര്‍ഡ് കണ്ട് ഉസ്മാന്‍ ഡംബേല പുറത്തുപോയത് പിഎസ്ജിക്ക് തിരിച്ചടിയായി. പത്ത് പേരായി ചുരുങ്ങിയ പിഎസ്ജിയോട് ബയേണ്‍ വിജയം പിടിച്ചെടുത്തു. പരാജയത്തോടെ പിഎസ്ജിയുടെചാമ്പ്യന്‍സ് ലീഗ് പ്രതീക്ഷകള്‍ മങ്ങി. അഞ്ച് മത്സരങ്ങളില്‍ നാല് പോയിന്റുമായി 26-ാം സ്ഥാനത്താണ് പിഎസ്ജി. അതേസമയം ഒന്‍പത് പോയിന്റുള്ള ബയേണ്‍ 11-ാമതാണ്.
Content Highlights: UEFA Champions League: Bayern Munich beats 10-man PSG